Direk Topel Lee, na-miss ang paggawa ng comedy

MAS tumatak o kilala bilang horror director si Topel Lee kaya naman nanibago kami na siya ang nagdirehe ng bagong handog ng Regal Entertain­ment Inc., ang romantic comedy movie na The Hopeful Romantic na pinagbibidahan nina Pepe Herrera at Ritz Azul na mapapanood na sa September 12.

Bloody Crayons ang huling horror movie niya samantalang My Kuya’s Wedding naman ang unang comedy film na ginawa niya sa ilalim din ng Regal.

“Actually, ‘yung cartoon script ko rin naman sa Inquirer is comedy. So ang roots ko naman is comedian dahil ‘yung tatay ko ay nag-stand up comedian,” kuwento ni Direk Tofell. “Kaya naalala ako ni Roselle (Monteverde) para sa pelikulang ito dahil nga ako rin ang nagdirehe ng My Kuya’s Wedding.”

Aminado si Direk Tofell na na-miss niya ang paggawa ng comedy at ang Regal ang nagbigay sa kanya ng opportunity na ito.

Kuwento ni Direk Tofell, matagal na nilang pinag-uusapan ang pelikula at si Pepe na talagang nasa isip nila para magbida.

“Si Pepe is a very normal guy. Hindi siya guwapong-guwapo. Hindi naman kailangan laging guwapo ang magbida,” giit ng director. “Very talented si Pepe,” dagdag ni Tofell.

Sinabi pa ni Direk Tofell na hindi siya nahirapang idirehe si Pepe dahil natural na komedyante ito.

“Medyo kumakanto lang minsan. Kasi sa teatro, ‘di ba ang laki sobra ng movement. At ang movement ni Pepe, sobrang laki.

“Nakabasag nga kami sa room sa Manila Hotel, sa MacArthur Suite ng isang gamit dahil sa kakulitan ni Pepe. Tinamaan niya. Nahulog. Mabuti na lagn at hindi antique ‘yun. Nag-offer naman si Pepe na siya ang magbayad.

“Lagi ko siyang sinasabihan na ‘Pepe ‘wag masyado mataas,’ pero ginagawa pa rin niya,” mahabang kuwento ng director.

Pero eventually naman ay nakapag-adjust na si Pepe. “May momentum na kailangan may time na minsan may drama na binabale naming ang sequence. Next sequence kailangan masaya siya. So siya dapat mag-adjust.”

Ukol naman sa kung may chemistry sina Pepe at Ritz, sinabi ni Direk Tofell na, “Na-achieve naman naming ‘yung gusto naming makuha nila sa pelikula. Very romantic na na-inlove sa isa’t isa. At habang pinanonood naming sila, tawang-tawa talaga kami.”

Idinagdag pa ng director na maraming kissing sina Pepe at Ritz at hindi niya masabi sa amin kung ilan iyon.

Basta, abangan ang pelikulang The Hopeful Romantic na tiyak masisiyahan ang sinumang manonood nito.

SHOWBIZ KONEK
ni Maricris Valdez Nicasio

---

Carlo at Angelica, pag-asa ng mga umaasa

Angelica, naiyak sa reaction ng tao sa teaser