COP sibak sa kotong sa 3 Koreano

SINIBAK sa puwesto ang hepe ng pulisya ng Angeles City, Pampanga bunsod nang pagkakasangkot sa robbery, holdap at extortion ng kanyang mga tauhan sa tatlong Korean nationals.

Ayon kay PNP Region 3 director, C/Supt. Aaron Aquino, papalit sa puwesto ni S/Supt. Sidney Villaflor bilang chief of police ng Angeles City, si S/Supt. Jose Hidalgo Jr.

Nauna nang sinibak ni Chief Supt. Aquino ang ilang pulis mula sa Angeles City Police Station 5 na kinilalang sina PO3 Arnold Nagayo, PO3 Roentjen Domingo, PO2 Richard King Agapito, PO2 Ruben Rodriguez, PO3 Gomerson Evangelista,  PO1 Jayson Ibe at PO1 Mark Joseph Pineda.

Kabilang din sa tinanggal sa puwesto ang mismong hepe ng Station 5 na si Chief Inspector Wendel Arinas at Senior Inspector Rolando Yutuc, deputy station commander.

Sa kabilang dako, tiniyak ni Senior Supt. Hidalgo, pabibilisin niya ang usad ng kaso ng mga Koreano na nabiktima ng mga pulis sa robbery extortion.