HATAW! D'yaryo ng Bayan hatawtabloid.com
FINALLY, nagsalita na si Coney Reyes sa pagkaka-link ng kanyang anak na si Vico Sotto kay Maine Mendoza.
Ayon sa aktres ng bagong seryeng My Dear Heart walang katotohanan ang tsismis na ito. ‘Yung fans lang daw ang nag-uugnay kina Maine at Vico.
Sambit pa ni Coney, malalaman din naman daw niya kung mayroon talagang namamagitan sa dalawa. Very much single pa rin daw ang anak niya at focus ito sa work niya dahil marami raw itong gustong i-achieve.
Nilinaw din niya na hindi siya masyadong nakikialam sa lovelife ng anak. Ang lagi lang daw niyang sinasabi ay magtiwala sa Diyos na ibibigay sa kanya kung sino talaga sa tamang panahon.
Anyway, sa trailer ng My Dear Heart ay parang kontrabida na naman ang role ni Coney gaya sa Nathaniel. Okey lang ba sa kanya na nakakahon siya sa ganitong klaseng papel?
“Hindi laging may change of heart ‘yung character na ipino-portray ko because I don’t accept a kontrabida role na walang redeeming value,” tugon niya.
Naniniwala siya na ‘yung pagiging strong kontrabida niya ay lumalabas ‘yung values. Mas madali nga raw sana sa kanya kung nakakahon siya, eh kaso, hindi naman daw ganoon. Hindi rin daw papayag ang mga director niya sa My Dear Heart na nakakahon siya. Hindi rin siya papayag na pareho rin ang makikita sa kanya sa unang kontrabida role na ginawa niya. Talagang pinag-aaralan niya ang kanyang role at nagdarasal siya na magkaroon ng fresh treatment ang character niya.
Pinupuri rin niya ang batang si Heart Ramos sa My Dear Heart dahil hindi raw aral na acting na nakikita sa bata. Bago pa raw pero very promising.
Talbog!
TALBOG- Roldan Castro
