HATAW! D'yaryo ng Bayan hatawtabloid.com
BAWAL nang sumali sa ano mang job fair na pangangasiwaan ng Department of Labor and Employment (DoLE), ang mga contractor at sub-contractor.
Ayon kay Labor Secretary Silvestre Bello III, layon ng hakbang na mabawasan ang endo at labor-only contract ngayong 2016, at para tulu-yan nang masawata sa 2017.
Ito ay dahil karamihan ng illegitimate contractualization o endo ay nangyayari sa mga contractor at sub-contractors na walang sapat na puhunan, na nangongontrata ng mga empleyado sa maikling panahon lang para makaiwas sa security of tenure, collective bargaining, at iba pang benepisyo ng mga manggagawa.
( LEONARD BASILIO )
