HATAW! D'yaryo ng Bayan hatawtabloid.com
PINAKAKASUHAN ng murder ng DoJ ang road rage suspect na si Vhon Martin Tanto.
Sa walong pahinang resolusyon na pirmado nina Prosecutor General Claro Arellano at Senior Deputy State Prosecutor Theodore Villanueva, kasong murder at serious physical injury ang nakatakdang isampang kaso laban kay Tanto.
Si Tanto ang suspek sa pagbaril at pagpatay sa siklistang si Mark Vincent Garalde at pagkasugat sa 18-anyos estudyanteng si Roselle Bondoc.
Si Tanto ay nakakulong sa Homicide Section ng Manila Police District makaraan sumuko sa mga awtoridad noong Hulyo 29 sa Masbate.
Binigyang bigat ng prosecution panel ang pag-amin ni Tanto sa krimen.
( LEONARD BASILIO )
