17-anyos coed tumalon mula 4/f ng condo, patay

PATAY ang isang estudyante makaraan tumalon mula sa ikaapat palapag ng isang condominium building sa Malate, Maynila bunsod ng problema sa pamilya.

Binawian ng buhay habang isinusugod sa Philippine General Hospital (PGH) ang biktimang si Romelyn Saria, 17, residente ng 292 Alapan 2nd, Imus, Cavite.

Ayon sa ulat ni SPO2 Bernardo Cayabyab kay Senior Inspector Rommel Anicete, hepe ng Manila Police District (MPD)-Crimes Against Persons Investigation Section (CAPIS), dakong 8:20 am nang maganap ang insidente sa Robinson’s Place Residency Tower 2, sa Padre Faura St., sa Ermita.

Ayon sa ulat, nagtungo ang biktima sa Room 10-I ng naturang condominium unit, na tinutuluyan ng kanyang kaibigang si Ariane Gilboy, 19, estudyante, kasama si Pauline Lusuegro, 19, estudyante, upang magpalipas ng sama ng loob ngunit bigla na lamang tumalon mula sa ikaapat na palapag ng gusali.  ( LEONARD BASILIO )