HATAW! D'yaryo ng Bayan hatawtabloid.com
UMAABOT sa P900 milyong halaga ng shabu na nakabaon sa isang farm ang nakompiska ng mga awtoridad sa Claveria, Cagayan nitong Linggo ng gabi.
Sa press briefing nitong Lunes, sinabi ni Philippine National Police (PNP) Director Ronald “Bato” Dela Rosa, sinalakay ng Anti-Illegal Drugs Group ang tila abandonadong taniman makaraan makatanggap ng tip mula sa isang concerned citizen.
Sinabi ni Dela Rosa, umaabot sa 180 packs ng shabu ang nahukay ng mga awtoridad sa farm na pag-aari ni Rene de Maya sa Brgy. Culao, Claveria.
Idinagdag niyang ang droga ay nakalagay sa pitong black bags at ice box.
( HNT )
