Parish priest ng Loboc nagbigti

CEBU CITY – Nagdadalamhati ang parishioners ng St. Peter the Apostle Parish Church ng Loboc, Bohol makaraan magpatiwakal ang kanilang parish priest na si Rev. Fr. Marcelino Biliran, 56, gamit ang electrical wire extension.

Ayon kay SPO1 Glenn Alvin Gam ng Loboc Police Station, malapit sa tao si Father Mar.

Tahimik daw at masigasig sa kanyang panunungkulan sa simbahan.

Kuwento ni Gam, makaraan operahan sa kanyang colon si Father Mar ay palagi na lamang siyang malungkot.

Una rito, pasado 5:00 pm kamakalawa huling nakita ang parish priest sa kanyang kombento ngunit kinagabihan ay natagpuang nakasabit ang kanyang katawan sa shower curtain rod.

Ang labi ni Biliran ay dadalhin sa St. Joseph the Worker Cathedral sa Tagbilaran City, Bohol.