24/7 military ops vs ASG ipatutupad

TINIYAK ni incoming Armed Forces of the Philippines (AFP) Chief of Staff Lt. Gen. Ricardo Visaya, kanyang sisiguraduhin na 24 oras sa isang linggo ang ilulunsad na operasyon laban sa bandidong Abu Sayyaf.

Ayon kay Visaya, kanya itong ipatutupad sa sandaling maupo na siya sa puwesto bilang pinuno ng sandatahang lakas ng Filipinas.

Gayonman, sinabi ni Visaya, ayaw niyang magbigay ng timeline kung kailan nila matatapos ang misyon sa bandidong grupo, ngunit gagawin ang lahat para makamit ang kanilang target.

Pahayag ni Visaya, posibleng magkaroon sila nang pagbabago sa kanilang resources.

Tumangging ihayag ni Visaya kung anong military strategy ang kanilang gagamitin laban sa ASG.

Sinabi ni Visaya, matapos ang command conference kay incoming President Rodrigo Duterte sa Hulyo 1 para pag-usapan ang mga susunod na hakbang ng AFP, agad niyang bibisitahin ang militar sa Sulu para personal na alamin at tutukan ang sitwasyon doon.