Pagpapatumba kay Duterte itinanggi ng drug lords

MARIING itinanggi ng grupo ng high-profile inmates ang mga balitang may plano silang ipapatay si incoming president Rodrigo Duterte at incoming PNP chief, Ronald “Bato” Dela Rosa.

Naniniwala ang inmates na isang uri ng “public conditioning” para mapatahimik ang inmates at hindi na lumutang ang korupsiyon at katiwalian sa loob ng NBP sa nagdaang administrasyon.

“We are not involved in this plot, if it [is] really true. We are afraid that this might be a way of ‘public conditioning’ so that we will be eventually silenced and the corruption that happened here inside NBP in the previous administration [will] be concealed,” paliwanag ng mga inmate na sina Jaime Patcho, German Agojo, Mario Tan, Jerry Pepino, Engelberto Durano, Rodel Castellano, Tomas Donina, Noel Martinez, Eustaquio Cenita, Herbert Colangco, Jojo Baligad, Clarence Dongail, Rico Caja, Joel Capones, Gilberto Salguero at Edgar Sayo Cinco, sa sulat na ipinadala kay Justice Secretary Emmanuel Caparas sa pamamagitan ni Atty. Ferdinand Topacio.

Una rito, sinabi ni De la Rosa, milyon-milyon ang inilaan na reward money ng drug lords na nakadetine sa NBP para sa makapapatay kay Duterte at sa kanya.