P5.18-M marijuna sinunog sa Kalinga

BAGUIO CITY – Aabot sa P5.18 milyon halaga ng marijuana ang binunot at sinunog ng pulisya sa isinagawa nilang marijuana eradication sa tatlong plantation sites sa Brgy. Loccong, Tinglayan, Kalinga.

Ayon sa Police Regional Office-Cordillera, aabot sa 6,000 piraso ng marijuana plants ang binunot at sinira ng mga operatiba sa Sitio Balete, na nagkakahalaga ng P1.2 milyon, habang aabot sa 10,000 piraso ang marijuana seedlings na nagkakahalaga ng P400,000.

Samantala, aabot sa 14,400 piraso ng marijuana plants ang sinira sa Sitio Challet na tinatayang nagkakahalaga ng P2.88 milyon.

Sa Sitio Chalog ay aabot sa 3,500 piraso ng marijuana plants ang sinira ng pulisya, na nagkakahalaga ng P700,000.

Sa kabuua, aabot sa 23,900 fully grown marijuana plants at 10,000 piraso ng marijuana seedlings ang binubot at sinunog ng mga pulis sa naturang lugar.

Samantala, walang nahuling marijuana cultivator sa isinagawang operasyon.