HATAW! D'yaryo ng Bayan hatawtabloid.com
NAKABILIB at nakakatuwa naman ang pagiging devoted mother ng maganda at talented na aktres na si Sunshine Cruz. Nang mag-guest kasi sa morning show ng ABS CBN na Magandang Buhay sina Sunshine at ang kanyang Tres Marias na sina Angelina, Samantha, at Francheska, tinanong siya ni Karla Estrada, “Ano ang willing mong i-give-up for your kids?”
Sagot ni Shine, “Iyong career, hindi ko magi-give-up sa kanila. Kapag sinabi nilang ihinto ko ang pagtatrabaho, hindi puwede, wala kaming kakainin.
“Pero kapag kunwari mayroon akong mapupusuan in the future and sinabi nila na hindi nila gusto para sa akin, hindi ako magdadalawang isip, bibitiwan ko para sa kanila.
“Para sa akin, sabi ko nga, I couldn’t ask for more, sila ang sobrang kayamanan ko and I’ll be forever grateful and thankful that I have them.”
Dagdag pa ni Sunshine, “Ako, gusto ko lang na lumaki sila na mabubuting tao. Kapag ang kalooban mo ay mabuti, matulungin ka, may respeto ka sa kapwa, mapagmahal ka, lalapitan at lalapitan ka ng mga tao.”
Proud na proud din si Sunshine sa kanyang tatlong anak dahil bukod sa mababait at magaganda, matatalinong bata ang mga ito. Talented din sila pati sa kantahan.
Nang usisain naman ni Jolina Magdangal kung ano pa ang namana nila sa aktres bukod sa beauty, eto ang sagot ng aktres.
“Lahat sila nakakakanta talaga, pero ang mahihiilig na mahilig talaga at hindi nahihiya, itong sina Samntha at Cheska, talagang singers ang mga iyan at mayroon silang banda sa school sa La Salle.”
Pagdating naman sa suitors, aminado siyang may mga manliligaw. Pero hindi na raw niya ito pinatatagal kapag walang spark.
“May mga nanligaw pero binasted ko kasi walang spark. Parang for my age, I’m turning 39, kung walang spark, papatagalin mo pa ba? Ang sa akin, kung wala namang spark, turn-down na. And I know God is preparing someone for me, iyong the best pine-prepare Niya.” Nakangiting saad pa ng aktres na napapanood sa Dolce Amore.
ALAM MO NA! – Nonie V. Nicasio
