Mayors sa droga lagot kay Duterte

DAVAO CITY – Binalaan din ni presumptive President Rodrigo Duterte ang mga alkalde at iba pang local officials na nauugnay sa illegal drugs.

Ayon kay Duterte, bukod sa mga pulis, pinaaalahanan din niya ang mga alkalde at iba pang lokal na opisyal ng pamahalaan na huwag nilang isipin na dahil nasa mas mataas na silang posisyon adrug syndicate sa kanilang lugar.

Una rito, binantaan ng incoming president ang mga pulis at may mga general pa raw na maaaring nauugnay sa ilegal na droga.

Aniya, habang may panahon pa na makukuha nila ang kanilang mga benepisyo ay magretiro na o kaya magpakalayo-layo na lamang.

Kasama sa naging plataporma ni Duterte sa kanyang pangangampanya ay sugpuin ang krimen, korupsiyon at droga sa loob ng tatlo hanggang anim na buwan.

Balak din ng alkade na gayahing ipatupad sa buong bansa sa kanyang panunungkulan bilang pangulo, ang mga ordinansa sa lungsod ng Davao gaya ng liquor ban, anti-smoking ban at curfew.