HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez
NANGHIHINAYANG man hindi talaga uubra na muling balikan ni RS Francisco ang pag-arte sa teatro. Kailangan kasi niyang tutukan ang negosyo nila ni Sam Verzosa, ang Luxxe White Ultima ng Frontrow International.
Ani RS magbabalik-teatro sana siya sa pamamagitan ng The Bodyguard: The Musical ng9Works Theatrical subalit dahil kailangan nilang tutukan ang Kuxxe White, naudlot
ang planong pagbabalik-arte sa teatrp.
Inamin ni RS na miss na niyang umarte sa stage kaya naka-oo siya nang alukin ni Robbie Guevara, 9Works artistic director, na gumanap bilang Sy Spector na nakatakdang mag-run sa September.
Si Sy ay ginampanan ni Gary Kemp sa pelikula, na publicist ng singer na si Rachel Marron (Whitney Houston) sa 1992 film na ipinrodyus at pinagbidahan din ni Kevin Costner.
Paglalahad ni RS nang makatsikahan namin ito na lumuhod siya kay Robbie para mag-sorry. Magpipirmahan na rin kasi sila dapat subalit naisip niyang imposibleng pagsabayin ang pag-arte at pagiging presidente ng Frontrow.
“I miss theater, I do,” giit nito. “Pero I have lots of commitment kasi sa business.”
Hinayang na hinayang man si RS wala na siyang magawa dahil simula nang i-relaunch ang Luxxe White Ultima, lalong dumami at mas lumaki pa ang demand sa produkto na ngayon ay available na rin sa ibang bansa tulad ng Dubai.
Inaayos din nins RS at Sam, Frontrow CEO, ang mga papeles sa Hong Kong at Korea.
Katunayan, nang magpa-lunch ang mga ito’y kagagaling langnila ng Taiwan, para bisitahin ang factory ng kanilang partner doon.
“Priority ko talaga ang mga nakaasa sa akin sa Luxxe White. It’s either I fully commit to it or ‘wag na lang. So, nag-pull out po ako,” pagbabahagi pa ng aktor/philantropist.
