HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez
MALAKAS pa rin talaga ang hatak o dating ng isang Piolo Pascual. Napatunayan namin ito nang pagkaguluhan ang hunk actor sa induction ng bagong pangulo at opisyales ng Rotary Club of Balibago na ginanap noong Biyernes sa Hillton Ballroom sa Clark, Pampanga.
Hindi napigilan, ng mga Rotarian, lalaki man o babae ang akyatin at sugurin si Piolo sa stage kahit hindi pa ito tapos kumanta.
Hindi makamayaw ang mga ito nang dumating si Piolo para haranahin ang bagong halal na pangulo ng Rotary Club of Balibago at CEO/President ng Beautederm na si Ms Rei Anicoche-Tan. Segue sa pagpunta sa stage ang mga Rotaran para makapagpa-selfie sa aktor.
Kaya nga natatawang tinuran ni Piolo na patapusin siyang kumanta.
Opisyal na nanumpa ang Beautéderm CEO na si Ms Rei bilang bagong presidente ng Rotary Club of Balibago kasama ang iba pang mga bagong halal gayundin ang mga bagong miyembro nito.
Star studded ang induction na dinaluhan ng mga personalidad mula public service, mga kilalang negosyante, at showbiz personalities sa isang pagdiriwang na talaga namang makinang at may isang malakas na mensahe ng pangako ng komunidad.
Ang seremonya ay pinangunahan ni DJ Jhai Ho, nagdagdag sigla sa gabi. Kabilang sa mga high-profile na dumalo ay ang Beautéderm brand ambassadors tulad ng dating PBB: Collab housemate Josh Ford, singer Cacai Bautista, young stars Kimson Tan at Gillian Vicencio, leading men na sina Ejay Falconat Ervic Vijandre, actor/singer Jojo Abellana kasama ang anak na si Carl, social media personality Pepita Curtis, actress Anna Feo, comedienne-singer Kitkat, at mga dating beauty queen na sina Rochelle Barrameda, Alma Concepcion, Maricel Morales, at Thia Tomalla.
Sa kanyang inaugural speech, nagpasalamat si Ms Rei sa mga opisyal at miyembro ng Rotary, sa media at sa kanyang pamilya — sina Mommy Pacita at mga anak na sina Kent at Aubrey. Binalangkas niya ang mga layunin sa pamumuno para sa taon, na nakatuon sa mga hakbangin na tututok sa kabataan, kalusugan, at edukasyon.
Isa sa mga pangunahing proyekto ni Ms Rei ay palakasin ang pagpapahalaga sa sarili ng mga estudyante na nahaharap sa mga hamon sa kalusugan ng isip na nauugnay sa mga isyu sa balat. Sa pakikipagtulungan ng kanyang Beautéderm at ng The Beauté Haus, magbibigay ito ng libreng dermatological treatment at wellness support sa mga piling kabataan.
Inilunsad din ng mabait na negosyante ang adbokasiya na “Yes to Love” — isang kampanyang magbibigay ng ₱5 para sa End Polio Now ng Rotary International na sa bawat produktong Beautéderm na mabebenta. Ilang pangunahing sangay sa Angeles, Baguio, Clark, at Marquee Mall ang nakiisa sa kampanya, at marami pa ang hinihikayat dito.
Prioridad din nila ang edukasyon. Inihayag ni Ms Rei ang pagpapalawak ng kanyang umiiral na scholarship program sa Vigan, Ilocos Sur — na kasalukuyang sumusuporta sa 50 mag-aaral sa kolehiyo — na isasama ngayon ang 10 bagong iskolar mula sa Pampanga sa ilalim ng Contribeaut: Scholarship Grants for College Students. Ang mga mag-aaral na ito ay bibigyan ng buong scholarship hanggang makatapos sa kolehiyo sa ilalim ng Rotary Club of Balibago.
“We must use our privilege, voice, and success to benefit others,” bahagi ng speech ni Rei. “When we are granted a seat at the table, let others sit beside you. Don’t leave anyone out — everyone belongs to everyone.
“To everyone in the Rotary Club of Balibago, thank you for the trust. In our quest to be the best organization, we must never lose sight of what truly matters — uplifting others, seeing them for who they are, connecting with them, giving them a voice and motivating the next generation of advocates to unite for good,” wika ni Rhea.
Magsisilbing presidente si Ms Rei para sa Rotary Year 2025–2026. Kilala sa kanyang pagkakawanggawa, binigyang-diin niya ang pangakong uunahin ang serbisyo, pagsasama, at pangmatagalang lunas.
Dinaluhan din ang induction ng mga opisyal ng distrito ng Rotary, mga nakaraang gobernador, at mga panauhin mula sa publiko at pribadong sektor.
