Tag-ulan idineklara ng PAGASA

OPISYAL na inihayagng Philippine Atmospheric, Geophysical, and Astronomical Services Administration (PAGASA) ang pagsisimula ng tag-ulan sa bansa.

“Na-meet na ‘yung criteria kaya officially declared na ang rainy season,” pahayag ni Ana Solis, hepe ng Climate Monitoring and Prediction Section ng PAGASA.

Sa latest weather analysis at rainfall data mula sa selected DOST-PAGASA stations, ang malawakang kalat-kalat na pag-ulan na naobserbahan sa nakaraang limang araw dulot ng habagat ang batayan nang pagsisimula ng rainy season sa bansa.

“This signifies the onset of the rainy season across the western sections of Luzon and Visayas. However, there may still be breaks in the rainfall that extend over a few days or weeks, referred to as monsoon breaks,” pahayag ng weather bureau.

Pinaalalahanan ng PAGASA ang publiko na mag-ingat at maging handa sa mga epekto ng pag-ulan, habagat at iba pang weather disturbance.