HATAW! D'yaryo ng Bayan hatawtabloid.com
NAIPANALO muli sa ikalawang pagkakataon ng dating actor/model na si Win Abel ang pagiging councilor ng Distrito 3 ng Caloocan.
Nakakuha ito ng 76,880 boto mula sa mga taga- District 3 ng Caloocan.
At sa kanyang pagkapanalo ay nagpapasalamat ito sa muling tiwala at suportang ibinigay ng kanyang ka-distrito.
Iniaalay ni Win ang pagwawagi unang-una sa Diyos, sa kanyang pamilya, at sa kanyang mga supporter.
Post ni Councilor Win sa kanyang FB, “Maraming maraming salamat po sa lahat ng nagtiwala at sumuporta. Para sayo ito Papa G 9-0 po sa third district ang Team Aksyon at Malasakit!
Ang serbisyong palaging ABELabol ay tuloy tuloy pa din. Muli po maraming salamat mga batang kankaloo.”
Pangako ni Win, lalo niyang pagbubutihin ang pagseserbisyo sa kanyang nasasakupan.
At isa nga sa sobrang saya sa pagwawagi ni Win ay ang kanyang pamilya, lalo na ang kanyang guwapong kapatid si Dr. Joriz Kevin Abel.
