HATAW! D'yaryo ng Bayan hatawtabloid.com
HUMINGI ng tulong sa Quezon City Police District (QCPD) ang ina ng Vivamax star na si Karen Lopez na halos isang linggo nang hindi nakikita ng kanyang pamilya na huling kasama ang kanyang kasintahan matapos sunduin sa kanyang condominium unit noong 5 Mayo sa Quezon City.
Batay sa paskil sa social media, sinabi ng talent manager na si Lito De Guzman, huling nakita si Lopez, 21 anyos, noong nakaraang Lunes, 5 Mayo, bandang 12:00 ng tanghali.
Sinabi ni De Guzman sa isang panayam na si Lopez ay sinundo ng kanyang nobyo noong araw na iyon sa kanyang condo unit, at mula noon ay wala na silang komunikasyon sa dalawa.
Kinompirma rin ni director Roman Perez, Jr., na nagpatuloy ang shoot para sa Maalikaya sa Upper Antipolo City sa kabila ng pagkawala ni Lopez.
Idinagdag ni De Guzman na kinompirma ni Lopez na pupunta siya sa huling araw ng paggawa ng pelikula noong nakaraang gabi sa pamamagitan ng kanyang manager.
Inaasahan si Lopez sa set alas-6:00 ng umaga noong Miyerkoles, 7 Mayo, ngunit hindi ito nagpakita.
Hindi na rin umano makontak si Karen sa Messenger, Viber, at WhatsApp nito dahilan upang labis na mag-aala ang mga kasamahan at management team.
Nagpahayag ng matinding pag-aalala ang direktor sa kanyang misteryosong pagkawala, lalo na’t hindi sila sanay na late o absent sa set si Lopez na kinakikitaan ng pagiging propesyonal at maayos katrabaho.
Hinala ng direktor, may kinalaman ang kasintahan ni Karen at maaaring konektado sa kanyang pagkawala.
Aniya, “He didn’t want Karen to do VMX. Baka pinigilan niya. Sana lang maging okay ang lahat.”
