HATAW! D'yaryo ng Bayan hatawtabloid.com
ISA pang miyembro ng pamilya Aquino ang nag-endoso sa kandidatura ni dating Senator at independent senatorial candidate Bam Aquino, na pang-11 sa pinakabagong Pulse Asia survey na ginawa mula Abril 20 hanggang 24.
Nagpahayag ng suporta si Bimby Aquino, anak ng aktres at host na si Kris Aquino, sa pagdiriwang ng kaarawan ng kanyang tiyuhin noong Miyerkoles.
“For me po… iboto niyo po siya kasi mabuti po siyang tao. He’s a really, really good man po,” wika ni Bimby.
“Pero ang number one feature po ni Tito Bam na ina-admire po talaga is his kindness. Kindness po talaga,” dagdag pa niya, na inilarawan din ang dating senador bilang masipag, matalino, at mabait.
Nagpapasalamat din ang bunso ni Kris sa mga kabataan sa ibinibigay na suporta kay Bam, na nagsilbi ring boses nila sa kanyang unang termino sa Senado.
