Tuguegarao, inaasahang may magbabalik

HINDI mapigilan ang ingay at init ng kalsada sa Norte nitong mga nakaraang linggo matapos ang matinding balita na “Mayor Jefferson Soriano is Back!”

At hindi lang basta nagbabalik dahil may grand comeback ang nangyayari ngayon sa Tuguegarao.

Matatandaang natalo si Soriano ni Maila Ting-Que noong 2022 pagtapos nitong mamuno nang siyam na taon, si Maila ang kauna-unahang babaeng Mayor ng lungsod.

Sa nagaganap na caucus, dinadagsa ng napakaraming tagasuporta gabi-gabi para sa kampanya ni Mayor Soriano, na muling tumatakbo para sa puwestong mayor.

“Iba talaga noong si Soriano ang nakaupo… malalapitan at makatao!” sigaw ng isang tagasuporta mula Barangay Carig.

Kahit mainit, hindi naging hadlang ang pagdami ng mga supporters, may dumarayo pa raw mula Ilocos at Isabela, bitbit ang paniniwalang si Soriano ang mas karapat-dapat mamuno sa Tuguegarao City.

Kaya naman ang kalabang politiko ay napailing at panay parinig sa social media tungkol sa alyansang Team Tuguether ni Jefferson Soriano.