HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez
IPINAGMALAKI ni Aga Muhlach ang anak na si Andres na itinanghal na Best New Male TV Personality sa katatapos na 38th PMPC Star Awards for Television na ginanap noong Linggo sa Dolphy Theater ng ABS-CBN.
Kitang-kita ang pagka-proud ni Aga kay Andres nang ibahagi nito sa kanyang Instagram ang nakuhang tagumpay ng anak mula sa first TV show nilang Da Pers Family ng TV5.
Ibinahagi ng aktor ang mga larawan ni Andres na may caption na, “Blessings coming your way, son. Keep up the good work. God be with you always. Always remember, His plans not ours.
“Congratulations!!! Proud of you! Love you, man!”
Sa acceptance speech ni Andres ay binanggit nito ang ama at sinabing inspirasyon niya ito gayundin ang kanyang buong pamilya na buong-buo ang suporta sa kanya.
Bago ang larawan ni Andres, ipinost din ni Aga ang video ni Atasha para sa pagbibidahan nitong serye, ang Bad Genius ng Viva One.
Sinabi ni Aga na naiiyak siya sa tuwa sa kanyang mga anak.
“And to you as well my dear daughter! Continue to do good work. Proud of you both! Love you Tash! Grabe kayong dalawa! Naiiyak ako sa tuwa! Continue to spread love and kindness!”
