HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez
NAPAKASUWERTE ni Zanjoe Marudo na nagkaroon siya ng mapagmahal na byenan. Ganoon din naman si Sylvia Sanchez dahil mula sa mga kwento at post ng aktres sa social media puring-puri niya ang manugang sa pagiging mabuting asawa nito ng kanyang anak na si Ria Atayde.
Sa isang social media post, nakaaantig na mensahe ang ibinahagi ni Sylvia para sa asawa ng kayang ikalawang anak, si Zanjoe.
Kahapon, ipinagdiwang nina Z at Ria ang kanilang first wedding anniversary at isang mensahe ang ibinahagi ni Sylvia. Aniya, “Masaya kami na ikaw ang naging asawa ng anak namin na si Potpot [smiling face emoji].”
“Nakita namin kung gaano mo minahal nirespeto at inalagaan si @ria. Kaya aalagaan at mamahalin ka din namin ng Daddy Art moZ
“Happy anniversary mga anak [blowing kiss, red heart emojis].”
Kasama ng napakagandang mensahe ni Sylvia ang throwback video at pictures sa naganap na kasalan nina Z at Ria last year.
Binati rin ni Sylvia si Ria ng happy birthday at sabay sabing: “We love you both [blowing kiss emojis].”
March last year nang ikinasal sina Zanjoe at Ria sa Quezon City sa isang civil ceremony na pinangunahan ni Mayor Joy Belmonte. June 2024 naman nang ibinunyag ng mag-asawa na magkaka-baby na sila.
