HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez
IPINAGTANGGOL ng isang anti-corruption advocate na kumakandidatong kongresista sa Baybay, Leyte ngayong midterm elections, si Atty. Levito Baligod ang mga tumatakbong artista.
Kung minamaliit o nilalait ng iba ang mga artista, tila itinataas naman ng tumayong legal counsel ni Benhur Luy sa P10-B pork barrel scam ang mga ito.
Aniya, walang nagbabawal sa mga celebrity na pumasok sa political arena. “Ang requiirement lang kasi ng ating Saligang Batas is you must be a Filipino citizen, able to read and write, ‘no, and you are a resident in a given period in a place where you want to be voted for.
“Ang pwede lang nating masabi ngayon, ang public service ay isang mabigat na obligasyon, isang mabigat na responsibilidad at kung sa tingin ng kandidato ay kaya niyang bitbitin ang responsibilidad ng isang government official, eh, pupuwede naman.
“Sabi nga natin, walang tao na pwedeng sabihin niya ‘ako lang ang nagmamahal sa bayan.’
“Anybody and everybody can claim love for country. Anybody and everybody can claim he can do the job.”
Pero giit pa ng abogado, dapat unahin ng mga tumatakbo ang pagiging role model sa mga mamamayan.
Tumakbo na sa senatorial race si Atty. Baligod noong 2016 dahil na rin sa pag-anyaya ng dating Pangulong Rodrigo Duterte bago ang pagtakbo bilang kongresista ngayong 2025.
