Mark Herras dinagsa ng trabaho kapalit ng sangkatutak na hater

SHOWBIZ KONEK
ni Maricris Valdez

NAGPAPASALAMAT si Mark Herras sa mga hater dahil dumami ang trabaho niya simula nang mag-trending at batuhin siya ng kung ano-anong issue. Ito ay may kinalaman sa pagsasayaw niya sa isang gay bar at pag-uugnay kay Jojo Mendrez.

Nakausap namin si Mark sa Half Time with Teacher Stella and Sen Koko Kokote Basketball Challenge sa Kalumpang, Marikina noong Sabado ng hapon at naibahagi nga nito ang dagsang trabaho simula nang dagsain siya ng bashers at haters.

“I’m doing two movies now with Netflix tapos may upcoming soap din ako with GMA tapos I’m busy doing mga raket sa labas,” pagbabalita sa amin ni Mark bago magsimula ang kanilang laban sa Team Bagong Marikina versus sa kanilang mga challenger na celebrity.

“Oo parang naging stepping stone,” natatawang sinabi ni Mark.

“Feeling ko ang generation kasi ngayon feeling nila matatalo ako ng mga intriga, ng mga issue. Twenty one years na po ako sa showbiz so, hindi na po ako naaapektuhan. Pero thankful ako with them kasi trending ako. Madalas akong mag-trending,” wika pa ni Mark.

Paglilinaw ni Mark sa mga kinasangkutan niyang issue, “hindi ko naman siya sinasadya. Hindi ko ‘yun goal. Ang goal ko talaga is pagta-trabaho talaga. Medyo makitid lang ang utak ng ibang tao eh.”

At kahit kabi-kabila ang negative issue na ibinabato sa kanya ikinasisiya ni Mark na marami pa rina ng nagtitiwala sa kanila. Tulad na nga ng isang school na naimbitahan siya para magsalita sa isang symposium.

“They trusted me to be their guest speaker, mukha namang may napulot sila sa mga nasabi ko,” nakangiting sabi pa ni Mark.

At muli nilinaw ni Mark na friends lang sila ni Jojo na tiyak marami pa rin ang hindi maniniwala sa tinuran niya. 

Sinabi ni Mark na aktibo siya sa mga celebrity basketball na sumusuporta sa mga kaibigang tatakbo sa darating na halalan sa Mayo. 

Ukol naman kay Rainier Castillo na iniuugnay din kay Jojo, nilinaw ni Mark na magkaibigan sila at hindi totoong may tampuhan sila. 

“Walang issue sa amin ni Rainier, friends kami. Kasi ang mga tao lang talaga ang gumagawa ng issue,” nangingiting sabi ni Mark. “Kung sino man nagsasabi o gumagawa ng issue na may away kami sira ulo ‘yun,” dagdag pa.

Ang Netflix movie na tinutukoy ni Mark ay pagsasamahan nila nina Carlo Aquino at Cristine Reyes at ang ikalawa ay under Blvck Entertainment  with Baron Geisler and Beauty Gonzales. 

Kasamang naglaro ni Mark sa Marikina sa kanilang grupong tinawag na Challenger sina Christopher Roxas, Arcie Alemania, Matt Evans, Eric Fructuoso, Jason GAiza, Gerard Acao, James Yap, atPaul Artadi. Si Monshie Kat naman ang kanilang muse. Pinangunahan naman ni Teacher Stella Quimbo ang Team Bagong Mariki1na kasama sina  Kon Jasper So, Kon Carl Africa, Kon Rommel Acuna, Kon VJ Sabiniano, Kon Bruce Fortuno, Kon Medick Ferrer, at VM Del De Guzman. Si Ate Ces Reyes naman ang kanilang muse.