HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
ISA pala si Ara Mina sa dahilan para magkaroon ng first Pinoy-owned ride-hailing app, ito ang PeekUp. Kaya naman sa tulong ng asawang si Dave Almarinez naisakatuparan ang hiling na ito ng aktres.
“Kasi, sabi ko, kaya nating lumaban. I believe na kaya ng Filipino na magkaroon ng sarili nating ride-hailing app,” pagbabahagi ni Ara sa paglulunsad kamakailan ng PeekUp executive ride to and from the airport.
Masayang-masaya si Ara na unti-unti nang nakikilala at pumi-pick up ng PeekUp, ang unang Pinoy ride-hailing app na sinimulan nilang mag-asawa last year.
May 2024 inilunsad nina Dave at Ara ang PeekUp. Wala pang isang taon pero ang laki na agad ng inasenso nito dahil wala rin namang tigil ang mag-asawa sa pagpapaunlad ng kanilang negosyo.
At after a year nga, inilunsad naman nila ang PeekUp executive ride to and from the airport.
Ipinakita sa amin ni Dave ang naggagandahan at high end na sasakyan na napaka-bongga naman talaga. Biruin mo bumili pa sila ng mga bagong BMW X5s and X1s para gamiting pangsundo at panghatid sa airport ng mga commuter. O ‘di ba bongga talaga!
Ani Dave, marami ang nagre-request sa kanila lalo ang mga negosyanteng gustong magkaroon ng magandang ride to and from airport.
“So, naisip namin, PeekUp will be the first mover, at ‘yung mga negosyante, hindi lang mga local, kundi mga foreign traveler din ang makakaranas ng first class services from PeekUp,” dagdag pa ni Dave.
Nalaman din naming walang extra charge ang mga executive and premium rides at wala ring nangongontrata tulad ng mga karaniwang reklamo sa mga driver sa airport ang kanilang PeekUp.
