Friday , April 4 2025
Luis Manzano Barako Fest Batangas Vilma Santos

Luis nawala 4 na endorsement sa pagtakbong vice governor sa Batangas; Paglulunsad ng Barako Fest 2025 matagumpay

SHOWBIZ KONEK
ni Maricris Valdez Nicasio

INAMIN ni Luis Manzano na marami sa kanyang endorsement nawala o hindi na nag-renew. Ito ang isiniwalat ng award winning TV host kahapon, Huwebes sa Barako Fest 2025 na ginanap sa Lipa City, Batangas simula nang magdesisyon siyang pasukin ang politika.

Ka-tandem ni Luis sa pagtakbo ang kanyang inang si Vilma Santos na tumatakbo muling gobernador ng Batangas.

Tanggap ni Luis ang pag-atras ng ilan niyang endorsements dahil may mga kontrata siya na hindi maaaring konektado siya sa politiko.

“To be honest, nagpaalam na kami (show) at marami sa mga endorsement ko ang hindi na nag-renew. Ganoon kaagad-agad nang maisipan namin na mag-file ako ng candidacy.

“Isa iyan sa sinabi ni Gov Vi. Unang usapan pa lang namin noong kumakain kami. Sabi niya, anak, alam ko ang industriya, maniwala ka na the moment na mag-announce ka lahat-lahat, maniwala ka sa hindi lahat ng mga endorsement mo mawawala.

“Katunayan, tatlo o apat sa mga endorsement ko ang nag-pull out na. Ang sa akin naman, ‘oo naiintindihan ko rin naman iyon, ‘yung income ko tatamaan naman talaga. 

Sabi pa nga niya, ni Gov Vi, ramdam ko ito simula’t sapul, ‘anak mabawasan ka man ng commercial mabawasan ka ng endorsements, mas masarap ang tulog mo dahil mas marami kang natutulungan na tao,” giit pa ni Luis.

Aware rin si Luiz na hindi madali ang public service. “Hindi siya madali in general na marami kang makakahalubilo, marami kang makakausap. Pero ang pinakamadali siguro is finding the balance para sa lahat ng gusto.

“Sa certain sector, may mga hinihingi na hindi mo naibibigay, may kabilang sector na humihingi ng kanilang tulong, assistance, proyekto. Pero ang pinakamahirap sa akin ay marami kang gustong gawin sa Batangueno o para sa mga Batangueno but to be perfectly honest siyempre limitado pa rin sa budget mo, limitado ka rin sa pwede mong magawa. 

“Kaya nga sabi ng isa sa ating kongresista na napakagandang pagkakataon na ito para sa kapitolyo dahil mayroon na tayong tulong mula nasyonal na hindi lamang nagsisimula o nagtatapos mula sa secretary of finance pero marami rin tayong mga kongresistang Batangueno na magtutulong-tulong pa lalo. 

“So ang pinakamahirap ay i-satisfy ang lahat ng distrito, lahat ng mga barangay, pero ang pinakamaganda kung magkakasama kami hindi ako mag-iisa na magserbisyo sa mga Batangueno,” lahad pa ng mister ni  Jessy Mendiola.

Hindi na binanggit ni Luis kung ano-anong brand o produkto ang hindi na nag-renew ng kanyang kontrata.

Ibinalita rin ni Luis na nag-taping na siya para sa finale ng kanyang game show sa Kapamilya Network, ang Rainbow Rumble dahil umpisa na ang campaign period para sa May, 2025 elections.

Samantala, kasama ni Luis ang inang si Ate Vi at kapatid na si Ryan Christian Recto na tumatakbo namang kongresista sa 6th District ng Batangas na nagbukas ng pagsisimula ng Barako Fest 2025 sa Lipa.

Kahapon, February 13 hanggang February 15 tatagal ang Barako Fest 2025. Kasamang nilibot ng mag-iina ang kahabaan ng Manila-Batangas Bypass Road na ilang daan ang nag-participate na mga negosyo mula sa iba’t ibang bahagi ng Batangas. 

“The third edition of the Barako Festival, which opened here Thursday, is not just a celebration of Batangas province’s high-quality coffee variety.

“It also highlights the top products of each city and municipality and how they create jobs and boost the local economy.

“Hotels are fully booked. Restaurants are always full. It couldn’t get any better than this,” ani Bryan Diamante, president at chief executive officer ng Mentorque Productions, organizer ng Barako Fest 2025.

About Maricris Valdez Nicasio

Check Also

Laziz Rustamov Amy Austria Fake Love Tadhana

Int’l model na si Laziz Rustamov napa-inlab si Amy

NAPAKA-SUWERTE naman nitong international model at dating PBB Season 10 Housemate, si Laziz Rustamov dahil nakatrabaho at nakapareha niya …

Willard Cheng

Willard Cheng sasabak sa Agenda ng Bilyonaryo News Channel 

SHOWBIZ KONEKni Maricris Valdez MAKAKASAMA na nina Korina Sanchez-Roxas at Pinky Webb ang batikang mamamahayag na si Willard Cheng sa paghahatid …

Chavit Singson Beyond the Call of Duty

JC pinalitan ni Martin; Manong Chavit kompiyansa sa Beyond the Call of Duty  

SHOWBIZ KONEKni Maricris Valdez PINALITAN na ni Martin del Rosario si JC de Vera na isa sa magbibida sana …

Kiko Estrada Lumuhod Ka Sa Lupa

Kiko Estrada isinalba ng Lumuhod Ka Sa Lupa

SHOWBIZ KONEKni Maricris Valdez SOBRA-SOBRA ang papasalamat ni Kiko Estrada na dumating ang proyektong Lumuhod Ka Sa Lupa na …

Pagkakaisa panawagan ni Revilla

Pagkakaisa panawagan ni Revilla

NANAWAGAN si re-electionist Senator Ramon “Bong” Revilla, Jr., ng pagkakaisa sa gitna ng kinahaharap na …