Shyr nahanap makapagbibigay ng peace of mind

RATED R
ni Rommel Gonzales

HINDI lang artista si Shyr Valdez, isa rin siyang executive sa isang kompanya. Si Shyr ang PR Consultant ng Medicare Plus Inc. isang health maintenance organization (HMO) o health insurance company.

Lahad ni Shyr, “Actually, I’ve been at it for the past four years.

“You know how it is in the business, hindi naman araw-araw mayroon tayong show.

“So you always have to have something to back to, fallback position, so that’s precisely what I’m doing and naniniwala kasi ako that it’s always nice to learn other things and we must not stop from learning.”

May nakilala siya sa health insurance company na ito..

“From a previous company that I used to be with, I met Ms. JayJay Viray there.”

Si Jayjay Viray ang CEO at Presidente ng Medicare Plus Inc..

“I met her through another company, na nakasama namin siya with work, and then from there, nagkakausap kami, nagkakatrabaho kami every now and then.

“So one of those occasions, she spoke with me and asked me if I would like to join the bandwagon of them as the PR consultant, and that’s how it all began.”

Si Shyr din ang isa sa mga celebrity endorser ng Medicare Plus Inc., kasama ang young actress na si Jess Martinez at ang Korean actor/model na si Moon Su-in.

“Yes, I am also both PR and celebrity endorser,” wika ni Shyr.

Importante ang pagkakaroon ng isang HMO policy

“Oh, importante ‘yan kasi, again, as I have said, nowadays, it’s not…it’s not very cheap when you get sick, when you get hospitalized, and kung ang inaasahan mo lang is ‘yung trabaho mo sa showbiz, tapos matiyempo, magkasakit ka ng wala kang regular show or anything like that.

“At alam din naman natin ang mahal din to maintain and become a celebrity, mahihirapan ka talaga, lalo na masyadong matataas ang mga presyuhan ngayon ‘pag nagkasakit ka. It’s not just by the hundreds, it’s by the thousands.

“So it is important that you are equipped with an HMO kasi ‘yun na lang mismo ‘yung ibabayad mo ‘pag nagkasakit ka, and that’s about it. Wala kang gagastusin.

“So anytime magkasakit ka and you need to have ‘yung mga annual checkup mo and all that stuff, this will cover it. Hindi mo na kailangan maghanap ng pera. 

“Kaya nga we’re always proud to say na you actually have the peace of mind that you deserve.”

Nalulungkot si Shyr kapag nakakakita siya ng mga kapwa niya artista na nagkakasakit or naaksidente, na para makabayad sa ospital ay nagpa-fundraising show, nanghihingi ng donation.

“Well, you know, of course, I feel very sad about that. 

“Kasi riyan mo makikita na ang hirap magkasakit, lalo na kung hindi ka nakapag-ipon, ‘di ba?  Kahit artista ‘yan and kahit din may naipon ka, ‘di ba?

“Pero ‘yung klase ng sakit mo at ‘yung mahal ng kailangan mong tustusan ‘pag nagkasakit ka, minsan hindi rin enough ang savings mo. So you need to be properly backed up.

“Kailangan educated ka with what you need to know about not just your health, but the benefits that you will get from companies that offers HMOs, insurance, mga ganyan. It is very important na alam natin ‘yan lahat, kaya nga ngayon, our company, something is brewing between Medicare Plus Inc. and our business, showbiz. So as soon as maplantsa namin ‘yan and everything, you’ll all know.”

Kapag natuloy ito ay makikinabang dito ang mga taga-showbiz industry.

Paano nila nakuhang endorser ang South Korean celebrity na si Moon Su-in?

“Si Moon Su-in was actually tapped by a friend of our CEO, Ms. Jayjay Viray.”

Ang head ng Artist Circle talent management na si Rams David naman, na manager ni Shyr, ang agent ni Moon Su-in dito sa Pilipinas.

Bukod kina Shyr, Moon Su-in, at Jess Martinez ay celebrity endorser din ng health card  si Sheryl Cruz.

Sina Moon Su-in at Jess ay pareho namang endorsers din ng Nailandia Nail Salon and Spa at Skinlandia beauty and wellness clinic ng mag-asawang Noreen at Juncynth Divina.