Rufa Mae nagsuka, sumakit ang ulo matapos sumuko sa NBI

SHOWBIZ KONEK
ni Maricris Valdez Nicasio

IBINALIK si Rufa Mae Quinto sa National Bureau of Investigation (NBI) matapos sumuko at magtungo sa Pasay Regional Trial Court para sa medical check-up.

Pagbabalita ng legal counsel ng aktres na si Atty. Mary Louise Reyes, sumama ang pakiramdam ni Rufa Mae.

“This morning, panay siya suka. Siguro –I don’t know if it’s jet lag, or siyempre kahit alam mong inosente ka, pagdadaanan mo ‘yung ganitong sitwasyon,” anang abogado sa isang interview.

“My client is a victim kasi nga siya rin po mismo, hindi siya nabayaran pa, which is aasikasuhin ko rin after this case. Focus muna kami, one step at a time.

“Tapusin muna namin itong case and then, aasikasuhin na namin ‘yan –‘yung mga hindi pagbayad sa kanya ng Dermacare.” pahayag pa ng legal counsel ng aktres.

Bago ito’y nagpunta sa korte si Rufa Mae noong Miyerkoles, Enero 8, para maglagad ng piyansa, P1.7-M ngunit hindi natuloy dahil napagsarahan sila ng tanggapan.

“We’ll have a hearing sa motion for investigation na nai-file ko – very urgent motion for reinvestigation. We are very confident naman and hopefully ma-grant nga itong motion para at least mabigyan ng chance si Rufa na ma-refute ‘yung mga allegations laban sa kanya,” giit pa ni Atty. Reyes.