HATAW! D'yaryo ng Bayan hatawtabloid.com
HINDI nakaligtas sa kamatayan ang isang lalaking Sinabing nabaril ang sarili habang nakikipag-inuman sa mga kaibigan sa Purok 3, Brgy. Parian, sa lungsod ng Calamba, lalawigan ng Laguna, nitong Linggo ng madaling araw, 20 Oktubre.
Sa imbestigasyon, kinuha ng biktimang kinilalang si Reggie Galang, ang kaniyang baril mula sa kaniyang bag ngunit nahulog sa sahig pagkaupo niya sa plastik na silya.
Pumutok ang baril at tinamaan sa ari ang biktima.
Dinala si Galang ng kaniyang mga kaibigang kinilalang sina John Arvin Mendoza, Jimuel Amolo, Claizear Marquez, at Freddie Ilagan sa pagamutan kung saan siya idineklarang wala nang buhay.
Ayon sa pulisya, sasailalim ang katawan ng biktima sa awtopsiya upang matukoy ang tunay na dahilan ng kaniyang kamatayan.
