Zyruz Imperial balik concert scene

MATABIL
ni John Fontanilla

ISANG makabuluhang konsiyerto ang magaganap sa October 16,  2024, 8:00 p.m. sa Joke Time, Gil Puyat Pasay City by singer/actor/painter and composer na si Zyruz Imperial entitled, A Man Has A Good Purpose.

Ani Zyruz, “Almost  three months ko binuo ‘yung konsepto ng concert, and ang purpose ko ay para makatulong sa mga talented artist na magkaroon sila ng exposure sa tulong na rin ninyo.

“Bale ‘yung mga kasama ko sa concert ay ‘yung mga artist na nakasama ko sa Kumu during pandemic, tapos naisip ko na gusto ko silang dalhin sa live stage concert.

“Medyo matagal-tagal din akong nawala sa showbiz, and this time gusto ko makonek sa mga nakasama kong nagsisimula like kayo (press) at ibang mga artist.”

Iniaalay din ni Zyruz ang kanyang concert sa Diyos na siyang nagbibigay sa kanya ng talento sa pagkanta.

Makakasama ni Zyrus sa concert sina Lance Reymundo, Jerome Laurel, Nathan Randal, PJ Gonzales, Maikee Mendoza, Jeff Almendras, at Jonathan Recto.

Ang Zyrus Imperial: A Man Has A Good Porpuse concert ay hatid ng APM (Asosayon ng Mga Pilipinong Mang Aawit International) at sa pakikilagtulungan ng  LV at Pamana Beach House/ El Mariano at Joke Time Comedy Bar, Direkted by Jeff Almendras.