HATAW! D'yaryo ng Bayan hatawtabloid.com
PUSH NA’YAN
ni Ambet Nabus
HALOS naiyak din ako sa naging rebelasyon ni Willie Revillame patungkol kay Boobsie, isa sa mga co-host niya sa Wil to Win.
Naungkat kasi ang pagiging dating Mystica Suarez ng magaling na komedyante na naging alter ego niya during the time na nagdya-Japan siya sa murang edad na 14.
Matindi ang pagka-Marites ni Kuya Will ha dahil talaga namang naungkat pa niya ‘yun. Hindi naman ‘yun idinenay ni Boobsie dahil para sa kanya, trabaho is trabaho. Batang-bata pa siya that time na nakikipagsabayan noon bilang sexy dancer at show girl sa mga kilalang sexy stars gaya nina Camille Roxas, Aya Medel at iba pa.
Ang inyong lingkod ang unang-unang nag-manage ng showbiz career ni Boobsie at isa nga yun sa mga “lihim” ng kanyang nakaraan na hindi namin inilabas during the time na inaalagaan namin siya.
Kaya nang mapag-usapan nila on national TV sa Wil to Win, talagang naiyak na rin kami dahil nag-flashback bigla ‘yung mga usapan namin noon sa gustong magsikap at magkaroon ng puwang sa industriya na si Mary Jane Arabis o Boobsie Wonderland na ngayon.
Hay, nakatutuwa lang na sa tagumpay ngayon ni Boobsie, sadyang may mga bagay talagang nakai-inspire.
Congratulations beh and goodluck sa darating mong birthday concert na magaganap sa Sept. 5 sa Clowns Republic Comedy Bar sa Quezon City at sa Sept. 8 naman sa Hideout Comedy Bar sa Pasig.
May mga celebrity friends siyang makakasama sa mga show na nabanggit gaya nina Allan K, Ate Gay, Ana Ramsey, Osang, at Boobay.
See you there!
