HATAW! D'yaryo ng Bayan hatawtabloid.com
HATAWAN
ni Ed de Leon
NAINIS si Jessy Mendiola sa mga basher na ang pinupuntirya naman ngayon ay ang anak niyang si Peanut. Sinasabing bakit daw mukhang payat si Peanut. May nagsabi pang napakabata pa ni Peanut pero malaki na raw ang eye bags na sinagot naman ni Jessy na natural lang sa kanilang pamilya iyon dahil may dugo silang Lebanese. Sa badang huli tila napikon ang nanay at nagtatanong kung magaganda ba ang namimintas sa kanyang anak.
Iyan ang hirap ng buhay ng mga artista. Lahat kasi gustong malaman at masundan ng tao sa kanilang buhay. Kaya nga maski si Peanut na kung tutuusin ay hindi naman isang public property kundi isang private person nabilad na rin sa publiko dahil sa social media.
Basta ang isang tao, kahit na bata pa ay inilabas mo sa publiko, marami na talaga ang pupuna riyan at kailangan lang na huwag pansinin ang mga negatibo, pero hindi mo rin masabi, natural lang na masaktan ang magulang basta pinintasan ang kanyang anak.
Iyon ngang isang female star na kakilala namin eh talaga namang pagkapapangit ng mga anak, pero dahil nanay hindi niya matanggap na nalahian siya ng pangit. Lahat din ng klaseng depensa ginagawa na niya pero in the end pangit pa rin ang hitsura ng mga anak niya.
