HATAW! D'yaryo ng Bayan hatawtabloid.com
HATAWAN
ni Ed de Leon
SIGURO nga ang masasabing pinaka-malaking issue sa ngayon na pinag-uusapan kahit pa malakas ang bagyo at may baha ay ang kumalat na sex video ni Mark Anthony Fernandez. Nakita namin ang video pero kahit na ganoon dahil hindi pa naman niya inaamin na siya nga ang nasa video sasabihin nating iyon ay “allegedly si Mark Anthony Fernandez.”
Hindi mo naman masasabi sa ngayon kung totoo o hindi ang nakikita mo sa video. Uso na kasi ang mga AI. Nagagaya na nila ngayon sa video ang mukha ng isang tao. Hindi ba ganoon ang sinasabi ng mga endorser ng kung ano-anong ipinagbibili sa internet lalo na iyong mga gamot hindi raw sila iyon kundi AI lamang kahit na sila mismo ang nakikitang nagsasalita sa mga video.
Noong isang araw, pareho ring naglabas ng findings ang NBI at ang PP Cyber Crime division ng statement na ang ipinakitang video ng isang taong gumagamit ng droga batay sa kanilang pag-aaral ay hindi si Presidente Marcos. Malaki raw ang kaibahan ng tenga, ng mata, at ng sideburns o patilya ng presidente sa tao sa video na ipinakita sa isang Maisug rally sa abroad. Iyan ang matagal nang sinasabi ng mga blogger na video ng presidente na ilalabas nila at iniugnay pa nila sa pangyayaring iyon si Maricel Soriano na matapang namang hinarap ang imbestigasyon ng senado.
Kaya kung ang mga iyan ay sinasabing ginamitan lang ng AI, unfair naman dahil sa nakita lamang nating mukhang si Mark nga ang nasa sex video ay tukuyin nating siya na nga iyon. Maliban kung aaminin niyang ginawa nga niya iyon.
Pero kung si Mark nga mismo ang nasa video na iyon ang susunod na katanungan ay kung bakit kaya niya nagawa iyon? Hindi masasabing pinagkakitaan niya iyon, dahil kumalat naman ng libre lang sa mga social media platform.
Hindi mo naman masasabing may nag-produce niyon at binayaran si Mark at magkano ang magiging talent fee niya sa ganoon? Kung si Mark nga iyon nakatatawa mang isipin wala siyang kinita roon sa video na iyon. Kumalat na lang ng ganoon sa social media eh.
Kung hindi naman siya iyon sino nga kaya iyong malakas ang loob na iyon na gumawa pa ng fake video na nagsimula pa ng fake news?
