Richard iniilusyon ng mga bading na magpa-sexy uli

HATAWAN
ni Ed de Leon

NAKATATAWA may gumawa ng isang survey sa mga bading sa pamamagitan ng internet. Ang question nila ay kung sino ang gusto nilang mapanood sa isang sexy video? 

Nagulat kami dahil ang lumalabas na talagang iniilusyon pa rin ng mga bading na magpa-sexy ulit ay si Congressman Richard Gomez. Mukhang hindi pa rin makalimutan ng mga bading ang mga pagpapa-sexy noon ni Goma noong model pa siya ng isang underwear brand. Batang-bata pa naman noon si Cong at talagang sexy naman.

Ang isa pang ikinagulat  namin ay ang pumangalawa sa survey, ang male model na si Brent Javier. May panahong talagang pantasya siya ng mga bading at noon naman ay kabi-kabila ang mga commercial na ginagawa. Hanggang sa naging model din siya ng underwear sales company. At sexy siya sa mga picture niya roon.

Ngayon mahigit 40 na rin si Brent pero mukhang batambata pa siya. Hindi mo nga sasabihing may 30 na ang edad dahil mukhang nasa 20’s pa rin. Napanatili niyang mukha siyang bata kaya hanggang ngayon siguro ay ilusyon pa rin siya ng mga bading at ng mga babae rin.

Pero nakatatawa ang panahon ngayon ano bakit ba ang mga lalaki ang gusto nilang magpa-sexy ngayon samantalang noong araw, mga babae lamang ang nagpapa-sexy.  Mukhang dahil na rin iyan sa kasalukuyang populasyon. Mas marami kasing babae ngayon kaysa mga lalaki sa buong mundo.