Official primer ng bagong show ng GMA nakakikilabot

RATED R
ni Rommel Gonzales

VIRAL na sa social media ang official primer ng most important drama of 2024 na Pulang Araw! 

May million views na sa iba’t ibang social media accounts ng GMA Network ang 11-minute video na ipinasilip ang makulay ngunit madugong kasaysayan ng Pilipinas noong World War II. 

Opisyal na ring ipinakilala ang mga karakter nina Kapuso Primetime Princess Barbie Forteza, First Lady of Primetime Sanya Lopez, Pambansang Ginoo David Licauco, at Asia’s Multimedia Star Alden Richards, kasama si Kapuso Drama King Dennis Trillo in a very special role. Tampok din sa primer ang iba pang naglalakihang cast ng serye. 

Kasunod nito, todo-puri ang netizens sa serye at hindi na raw sila makapaghintay sa pagsisimula . Komento ng ilan sa Facebook page ng GMA Network, “World class! This is the new era of Philippine drama! A game changer in primetime. Keep on creating teleseryes like this, GMA!”

Bukod sa makabuluhang kuwento ng serye, talaga namang angat na angat din ang visuals nito! Sey tuloy ng mga Kapuso, “Napakaganda parang pelikula! GMA lang talaga ang may lakas ng loob na gumawa ng ganitong uri ng palabas. Grabe ang production value! Nakakakilabot. Mahusay ang effects, cinematography, at lahat ng historical scenes pinag-isipang mabuti.”

Huwag palampasin ang world premiere sa July 29 sa GMA Prime.