HATAW! D'yaryo ng Bayan hatawtabloid.com
MATABIL
ni John Fontanilla
NAKABALIK na sa bansa si Teejay Marquez na ilang araw na namalagi sa Indonesia para sa isang malaking proyekto.
Hindi nga lang sa Pilipinas mabentang kuning ambassador si Teejay, dahil maging sa Indonesia, Malaysia, at Thailand ay mabentang-mabenta ang aktor.
At ang latest nga ay kinuha si Teejay na mag-promote ng isang sikat na hotel sa Indonesia.
Bukod sa nasabing project ay marami pang pending work sa Indonesia si Teejay katulad ng mga pelikula at teleserye na hindi maumpisahan dahil sandamakmak din ang mga project na ginagawa sa Pilipinas.
Ayon kay Teejay, “Happy ako dahil kahit matagal akong nawala sa Indonesia ay may mga project pa rin silang ino-offer sa akin.
“Sabi nga nila naghihintay lang sila ng availability ko para magawa ko ‘yung pelikula at teleserye and may inquiries na guesting din sa mga show doon.”
Dagdag pa ni Teejay, ” At kahit fans ko nga ay miss na miss na ako at inaantay na ‘yung mga project na gagawin ko sa Indonesia.
“Pero right now kasi mas priority ko ang mga project sa Pilipinas. Siguro kapag wala na talaga balik na ako sa Indonesia.
“And gusto ko ring tutukan muna ang business ko rito sa Pilipinas at ‘yung ipinagagawa kong bahay.”
Sa ngayon nga ay waiting lang si Teejay sa susunod niyang serye pagkatapos ng matagumpay na pagpapalabas ng hit afternoon serye na Makiling.
