Newbie P-Pop boy group gustong makilala international tulad ng SB19

MARAMING plano ang AQ Prime Music, ang management ng P-Pop Boy Group, ang BI7IB na may bagong single na Say Watcha Wanna Say.

Ayon sa mga big boss ng AQ Prime Music na sina Atty. Aldwin Alegre, Atty. Honey Quiño, at Frontrow President Raymond RS Francisco, marami silang magagandang plano ngayong taon sa grupo.

Gusto nga ni RS na after ng promotion ng awiting Say Wactha Wanna Say ay tatlong kanta pa ang i-record ng grupo ngayong taon.

Samantalang sabi naman ni Atty. Honey, maraming shows ang naka-line up sa BI7IB na dapat abangan ng kanilang mga supporter.

Pangarap ng grupo ang makilala sa international scene katulad ng SB19 at makapag- perform sa iba’t ibang bansa.

Ang BI7IB ay binubuo nina Yukito Kanai (leader), Zio (rapper), JMAC Sangil (lead dancer), RC Coronel (visual), Clyde Ballo (main dancer), Carlo Samson (lead vocals), at Rafael Mumar (main vocals).

Ang Say Watch Wanna Say ay available na sa lahat ng streaming apps. Mapapanood na rin ang kanilang music video sa Youtube.