HATAW! D'yaryo ng Bayan hatawtabloid.com
SALAMAT na “finally” ay nagbigay na ng payo at pakiusap si Nora Aunor para sa kanyang mga tila ayaw paawat na fans and supporters.
May mga malalapit din kasi kaming kaibigan na Noranian kaya’t bilang pag-respeto rin sa kanila, nais naming ibahagi ang mensahe ni Ate Guy sa kanyang mga supporter na nakikipag-bardagulan sa mga kapwa Vilmanian hinggil pa rin sa usaping National Artist.
Sobrang big deal kasi para sa mga Noranian ang kontrahin, harangin o pintasan ang ginawang nominasyon ng Aktor.ph at iba pang mga grupo na nag-endorse kay Vilma Santos para sa Pambansang Alagad ng Sining.
Narito nga ang mensahe ni ate Guy, “Sana huwag kayong magagalit sa ate Guy ninyo. Ramdam ko kayong lahat na nagtatanggol, nagmamalasakit at nagmamahal sa akin. Sa ngayon ako na ang nakikiusap sa inyo. HUWAG NA PO KAYONG MAGSALITA…HUWAG NA PO KAYONG MAG KOMENTO. Hindi sila titigil kapag hindi kayo tumigil. Mahirap dahil mga kapwa artista ang mismong nagtatanggol sa kanila. Hayaan nyo na..karapatan nila yon.”
O hayan ha. Ang ate Guy na ninyo ang nagpapayo ng ganyan ha. Bigyan naman ninyo siya ng kahihiyan kung kakaiba man ang pag-intindi ninyo ng respeto at pagmamahal sa inyong idolo.
