JMRTIN at Lani nag-collab sa awiting Iisa Lang

MATABIL
ni John Fontanilla

ISANG bagong love song ang bibihag sa puso ng mga Pinoy OPM lovers entitled, Iisa Pa Lang nina Retro Pop Music Authority JMRTN of REtroSPECT at ng OPM Icon at Asia’s Nightingale na si Ms. Lani Misalucha.

Ang awiting Iisa Lang ay mula sa komposisyon ni Mandy Placheta ng San Jose California,  Emil Pama ng Los Angeles, at Guam based singer-songwriter na si JMRTN, arranged at mixed ng  Manila based seasoned musician na si Bobby Velasco.

Ini-record sa The Hideout Recording Studio sa Las Vegas, Nevada, ang Iisa Lang ay may cinematic performance video na ginawa ng song producer na si JMRTN mula sa JARO Productions USA at Godspeed Music Label.

Sina Lani at JMRTN ay parehong internationally renowned artists na may numerous awards at citations mula sa Awit, Aliw at iba pang local at international award giving bodies, with individual track record ng mga sold out concerts at full house shows worldwide at nagkaroon din ng gold at platinum record awards.

Ang Iisa Lang ay available na sa lahat ng streaming apps simula noong Friday, June 14, 2024 released through Star Music PH ng ABS-CBN Films.