Willie Revillame balik-TV5, Wil To Win gugulong na 

INANUNSIYO ni Willie Revillame sa isang sorpresang Facebook Live ang pamagat ng kanyang engrandeng pagbabalik-programa sa TV5, ang Wil to Win. 

Ang rebranding ng kanyang social media pages, mula Wowowin  patungong Wil to Win ay tanda ng kanyang exciting na pakikipagsanib-puwersa sa MQuest Ventures, Inc..

sa bagong logo ng kanyang programa makikiya mismo na handang-handa na itong maghatid ng mga sorpresa at papremyo.

Suportado ng Wil to Win ang hangad ng bawat Filipino na magsumikap at manaig sa buhay. Naniniwala si Willie na, “Pag may Wil to Win, lahat kayang gawin!”

At bilang paghahanda sa pagbubukas ng bagong programa, pangungunahan ni Kuya Wil ang isang Grand WINference – isang interactive telethon sa Hunyo 20, 2024, na mabibigyan ng pagkakataon ang fans at media na magtanong kung ano nga ba ang kanilang dapat abangan sa bagong programa.   

Mapapanood ang Grand WINference sa mga opisyal na social media account ng Wil to Win at TV5.