Supremo ng Dance Floor Klinton Start gradweyt na sa kolehiyo 

MATABIL
ni John Fontanilla

NAGTAPOS na sa kolehiyo ang tinaguriang Supremo ng Dance Floor na si Klinton Start sa Trinity University of Asia sa kursong BSBA major in Marketing Management na ginanap sa PICC last June 6, 2024.

Nagpapasalamat si Klinton sa nagsilbing guardian na sina Ann Malig Dizon at Haye Start na siyang gumabay sa kanya simula pagkabata hangang sa pagtatapos sa Kolehiyo.

Iniaalay ni Klinton kina Ann at Haye at sa mga taong nagmamahal at sumusuporta sa kanya ang diploma sa kolehiyo.

“Tito John sobrang saya ko na nakapagtapos na ako sa kolehiyo at nagawa kong pagsabayin ang pag-aaral at pag-aartista.

“Gusto kong magpasalamat at iniaalay ko ang aking diploma sa dalawang taong walang sawang sumusuporta, nagga guide sa akin at nagmahal ng sobra-sobra na sina Ate Ann at Ate.

“Nagpapasalamat din ako sa mga taong sumusuporta at nagmamahal sa akin, maraming-maraming salamat po sa inyong lahat.

Samantala, proud na proud naman ang mga guardian nito na sina  Ann at Haye na parehong may post sa kanilang Facebook ukol sa naging pagtatapos  ng kanilang pamangkin.

Post ni Haye, “You are the Pride and Joy of our family, Congratulations Klinton Start on your Graduation🎓👨‍🎓 You make us Proud!👏 . ” 

Nag-post naman FB Story si Ann ng mga larawan nila kasama si Klinton during and after graduation.