Eat Bulaga ‘di pa rin kayang ilampaso ng It’s Showtime

HATAWAN
ni Ed de Leon

KUNG magyabang sila ilalampaso raw sa ratings ngayon ang Eat Bulaga. Pero natural iyon kung ikaw ay nasa isang estasyon na 150kw power at ang mga kalaban mo ay nasa 50kw lang.

Ang tingnan natin ay iyong nakaraan, noong pareho pa ang magkalaban na nasa isang 150kw power station nakadikit ba ang It’s Showtime sa Eat Bulaga?
            

Noong sila ang nasa dalawang 50kw station, isang cable channel at nasa internet pa natalo ba nila ang Eat Bulaga na nasa isang 50kw station na rin?

Kung titingnan ninyong mabuti, hindi naman lumalayo ang Eat Bulaga sa dati nilang ratings. Ibig sabihin, naroroon pa rin ang mga Dabarkads. Eh iyang Showtime, ibalik ninyo sa GTV, Zoe Tv, at sa kanilang mga cable channel, tingnan ninyo kung ‘di mag-sisid marino iyan.