Alfred sa pagkapanalo sa FAMAS—‘Di ako nagbayad! 

I-FLEX
ni Jun Nardo

NAGBIGAY ng thanksgiving presscon si Konsehal Alfred Vargas para sa panalo niya bilang best actor sa nakaraang FAMAS para sa pelikula niyang Pieta.

Tinanong namin si Alfred kung ano ang naging reaksiyon niya ng ka-tie si Piolo Pascual.

“Honored ako dahil magaling siyang aktor. Nag-grand slam na rin,” sagot ni Alfred.

Eh nang manalo siya, may naglabas ng pangit na balita. May tsismis na umano ay nagbayad siya.

Deklarasyon ni Alfred, “Hindi ako nagbayad!”

“Panoorin nila ang ‘Pieta’ para malaman,” dagdag niya at sinabing hindi muna ipalalabas sa sinehan ang movie dahil ang block screening nito ang kanyang inaasikaso.

“Sumama man ang loob ko nang hindi ito matanggap noong Metro Manila Film Festival (MMFF), kailangan ko pa ring ipakita sa publiko kung gaano kaganda ang pelikula namin nina Are Guy, Gina Alajar, at ni Jane (Jaclyn Jose) na last movie niya,” dagdag ni Konsehal Afred na patuloy pa ring gagawa ng makabuluhang pelikula.