Alex Muhlach ‘wag pakialaman relasyon kay Mae

HATAWAN
ni Ed de Leon

PARA namang isang napakalaking issue iyong si Alex Muhlach na 82 years old na, at tatay ni Nino Muhlach at lolo na nina Sandro at Alonzo Muhlach ay na-in love na muli sa girlfriend niya ngayong si Mae na 30 years old lamang. 

Ano ang issue eh 20 taon na silang magkakilala nagkakasundo naman sila, wala naman silang natatapakang iba. Oo may asawa noon si Alex pero ilang dekada na ba silang hiwalay? Isa pa, bakit pakikialaman ninyo ang buhay ni Alex, hindi naman dahil isang public figure ang kanyang anak, ang kanyang mga apo, kapatid at pamangkin ay naging public figure na rin siya. Ano ba ang pakialam ng mga tao sa kanyang love affair. Kung saan siya maligaya hayaan ninyo siya, huwag na ninyong pakialaman pa.

Eh kami nga eh may kakilalang isang showbiz gay na 70 years old na, pero ang syota niya ay isang poging bagets na 23 years old lamang. Pero ano ang pakialam natin maging sa agwat ng kanilang edad. May isip na ang showbiz gay matanda na siya eh, iyon namang bagets, hindi naman talaga bata, hindi naman masasabing pinilit siyang makipagrelasyon sa matandang gay. Nagkasundo sila at kung ano man ang napagkasunduan nila, wala na tayong pakialam. Pareho naman silang happy. 

Iyang mga ganyang bagay hindi na natin dapat na pinakikialaman. Kung iyong mga kamag-anak nila hindi nakikialam eh, tayo pa ba?