HATAW! D'yaryo ng Bayan hatawtabloid.com
HATAWAN
ni Ed de Leon
MARAMI ang natuwa at natawa sa biro ni Kobe Paras sa isang social media post ni Kyline Alcantara, nang sabihin niyang “kamukha mo si Paraluman.”
Si Paraluman ay isang maganda at sikat na aktres noong araw, pero tiyak hindi na inabot ni Kobe ang panahon noon bilang artista. Sino kaya ang nagbigay sa kanya ng idea na si Kyline ay kamukha ni Paraluman?
Marami ang nakapuna kina Kobe at Kyline dahil sa isa nilang post na bagama’t hindi sila magkasama sa picture nakilala ng mga fan ang magkaparehong ayos ng food, at set up ng mesa na kanilang inilagay sa kanilang social media account, na nasundan siyempre ng tanong na nagde-date ba sila?
Marami naman ang natuwa dahil alam nila na nakipag-split na si Kyline sa dati niyang syota at wala na ring naririnig na dates ni Kobe sa anak ni Yna Raymundo. Natuwa ang fans kung sila na nga ngayon. Kung sabihin ng fans ni Kyline boto sila kay Kobe dahil mas pogi naman iyon kaysa dating syota ni Kyline, at iyong fans naman ni Kobe, happy dahil malinis ang image ni kyline na sinasabi nilang mas bagay sa personalidad ni Kobe.
Sana nga totoo na.
