Seth Fedelin pinagsabay pag-aaral at pag-aartista

MATABIL
ni John Fontanilla

INULAN ng papuri ang napakabait at mahusay na Kapamilya teen Actor Seth Fedelin nang i-post nito sa kanyang Instagram ang naging kaganapan sa kanyang graduation.

Kahit na nga abala sa kanyang trabaho bilang aktor ay ipinagpatuloy pa rin ni Seth ang kanyang pag-aaral at ngayon nga ay graduate na ito ng high school.

Ipinost nga nito sa kanyang socmed ang mga litrato sa kanyang graduation kasama ang ina, mga kaklase, guro, at diploma at may caption na, “Hindi ko nakalimutan ang una kong pangarap.”

Ilan sa nag-comment at nagbigay ng mensahe ng papuri sina:

“Congrats Sethyyy,” ani Melai Cantiveros.

“Congratulations nakakaproud,” mensahe ni Eula Valdez.

“Congrats, Seth,” sey ng ABS-CBN.