Donita Rose ipinagtanggol si Sheena Palad

MATABIL
ni John Fontanilla

TO the rescue ang actress na si Donita Rose para ipagtanggol ang kanyang sister- in- law na si Sheena Palad na nasangkot sa issue ng pambabastos umano sa veteran actress na si Ms Eva Darren sa nakalipas na FAMAS Awards Night na ginanap sa Manila Hotel.

Imbes kasi na si Ms Eva ang naisalang na presentor ng gabing iyon ay pinalitan ito ni Sheena na siyang naging kapartner ni Tirso Cruz III bilang presentor.

Ayon nga kay Donita, “There is light at the end of the tunnel, sis! We stand together as one family. If your family and your God is for you, who can be against you?

“You are surrounded by so much love, so be reminded that you are not going through this alone.”

Isa nga si Sheena sa binabash ng netizens sa sinapit ni Ms Eva nasabihan ng masasakit na salita at below the belt pa.

Si Sheena nga pala ay kapatid ng mister ni Donita na si Felson Palad.