HATAW! D'yaryo ng Bayan hatawtabloid.com
MATABIL
ni John Fontanilla
HINDI naibigan at na-beastmode ang viral pares vendor na si Diwata sa panlalait sa kanyang paresan ng dating mang-aawit na si Mystica.
Sa vlog ni Diwata ay sinagot ang patutsada ni Mystica na kesyo lumalaki na ang kanyang ulo.
Nauna rito, tinawag na dugyot ni Mystica ang mukha at paresan ni Diwata.
“‘Yung itsura ni Diwata ngayon nandidiri na sa mga taong gustong magpa-picture sa kanya, kitang-kita na ‘yan sa videos online.
“Iba ang trato niya sa mga bumibili ng pares niya na talagang sumusuporta sa kanya pero kapag siya ang bibigyan ng blessing todo asikaso siya buong araw.
“Alam ko, napansin n’yo rin na balewala na ‘yung mga taong pumila at kumakain sa paresan niya, ang bilis niyang nagbago, paano pa hahanga ang tao sa kanya kung ganoon siya? Akala mo kung sino na siya na hindi na maabot!,” ani Mystica.
“Unahin mo ang sanitation at kalinisan ng mga kumakain sa iyo, ‘yun ang dapat inaasikaso mo, hindi ang mangbara ng mga taong ikaw naman talaga ang pinunta, hindi ang pares mo.
“Hindi niya alam na ito ang magpapabagsak sa kanyang nilalangaw at dugyot na ugali, dugyot na katawan at pagmumukha at dugyot na paresan!” dagdag pa singer.
Sinagot naman ito ni Diwata sa pagsasabing hindi importante sa buhay niya si Mystica, kaya ayaw niyang patulan ang pagpapansin nito dahil laos na ito.
Nakikisakay lang daw ito sa kanyang kasikatan, imbes daw na patulan ito ay mas gusto na lang nitong tutukan a kanyang negosyo.
