Kira  inamin feelings kay Kelvin: may kaunti, ang pogi kasi niya

MATABIL
ni John Fontanilla

KAHIT walling nabuong relasyon kina Kira Baringer at Kelvin Miranda, lead actors ng pelikulang, Chances Are, You and I na mapapanood sa May 29 sa mga sinehan nationwide, very honest na sinabi ng aktres na may na-feel siyang something sa aktor.

Pag-amin ni Kira, “Mayroong kaunti, siyempre. Very charming naman si Kelvin and like I said a while ago, nature of our movie was a love story. 

“We have to interact in such a way na nakaka-fall talaga.

“Hindi naman ako puwedeng magsinungaling sa inyo, dahil tingnan niyo naman si Kelvin, ang pogi niya!”

Ayon naman kay Kelvin, sa tanong na kung posible bang mauwi sa  tunay na buhay ang kanilang pag-iibigan tulad ng nangyari sa pelikula?  “Only time will tell, ‘di ba? Kung magkaroon man kami ulit ng pagkakataon na gumawa ng movie ulit.

“Mas magiging madali na `yon sa amin, kasi mayroon na kaming pinagsimulan.

“Hindi naman sarado ang pintuan. Ayoko na ring isipin ang masasamang bagay. Ang importante rin ngayon, nandito kami, maayos kami. Friends pa rin kami.”

Maraming press people ang kinilig nang mapanood ang teaser ng kanilang pelikula na pare-pareho ang sinasabi—bagay sila, na ‘di naman malayong mangyari lalo’t pareho silang single.

Anyway muli, mapapanpod na sa mga sinehan nationwide ang Chances Are, You And I simula May 29, mula sa Pocket Media Productions, in partnership with Happy Infinite Productions and Pocket Media Films, and to be distributed by Regal Entertainment.