Male starlet pinag-aagawan ng dalawang director

ni Ed de Leon

AY naku si Direk may iba na naman palang ilusyon ngayon. Eh matindi pa naman iyang si direk kung magkagusto. Noong araw dahil sa isang male star na gustong-gusto niya nagawa niyang ibigay sa lalaki pati na ang pambayad nila ng renta sa kanilang bahay kaya inaway siya ng kanyang ka-live in. Na talagang nagbasag ng kanilang mga plato.  Kaya kumain sila sa paper plate na lang.

Ngayon may crush na naman daw si direk kaso iyon namang starlet ay boylet na pala ng isang director ng mga gay series. At malaki na rin daw ang puhunan ng director ng mga gay series sa starlet kaya nga ginawa pa niyang bida.

Hindi naman masisisi ang dalawang baklitang director dahil pogi naman talaga ang male starlet at malakas ang sex appeal hindi kagaya niyong isa pa na ang totoo ay marami ring itinatagong skeletons in the closet.

Magtagumpay kaya si matabang direk na ma-get ang starlet? Palagay namin possible kung isasama ba niya sa mga malalaking pelikula eh, tiyak na lalayasan niyon si direk na mas bata pero mga gay series lang sa internet ang ginagawa.